مدير خط نجدة الطفل بالشرقية تؤكد على تواصل جهود حماية الطفل من الخطر وتنمية ورعاية الاطفال فى الفترة الاخبارية باذاعة وسط الدلتا

 

اهتمام كبير من محافظه الشرقيه بتنميه ورعايه الاطفال وحمايتهم من اي اخطار وذلك من خلال نشاط الوحده العامه لحمايه الطفل وخط نجده الطفل بالشرقيه وجهود مميزه في معالجه وحل مشاكل الاطفال المعرضين للخطر والتوعيه والتثقيف والارشاد الاسري بحقوق الطفل وتنميه مواهب الاطفال ورعايتهم

 اذاعة وسط الدلتا ترصد هذة الجهود فى لقاء الاعلامى ملهم الدوى مراسل الاذاعة بالشرقية فى فى الفترة الاخبارية باذاعة وسط الدلتا    مع   الاستاذه هبه حمد مدير عام الوحده العامه لحمايه الطفل بمحافظه الشرقيه ومسؤول خط نجده الطفل بالشرقيه  والتي  توضح نشاط الوحدة و كيفيه حمايه الاطفال المعرضين للخطر بالشرقيه

  تقول الاستاذه هبه حمد مدير عام الوحده العامه لحمايه الطفل بمحافظه الشرقيه ومسؤول خط

نجده الطفل بالشرقيه   ان  الوحده العامه لحمايه الطفل موجوده على الارض مستقله . و شغلها الشاغل الاطفال المعرضين للخطر وطبقا لقانون الطفل طبعا اللي هو رقم 12 لسنه 96 والمعدل برقم 126 لسنه 2008 في

ماده فيه 96 بتقول ان في 14 حاله لتعرض الطفل للخطر يعني ايه هو تعرض الطفل للخطر . وفيه  14 بند في الماده 96 بيقول ان الطفل  المعرض للخطر من ضمنهم بقى اذا تعرض امنه . او اذا تعرضت اخلاقه اذا تعرض للاستغلال

للتسول للاساءه الجنسيه والجسديه يعني هم 14 ماده فانشات الوحده العامه لحمايه الطفل لحمايه الطفل المعرض للخطر

باشكاله كلها اللي موجوده ال 14 دول فاحنا  بنتلقى  بلاغات خط نجده الطفل

و ده اساس شغلنا اللي هو على خط نجدة الطفل ورقمه  16000 ده خط عام على مستوى الجمهوريه كلها بتتلقى اي بلاغ

لاي طفل معرض للخطر بعيدا عن جنسه بعيدا عن اي تمييز  بنتلقى  البلاغ بندأ  فيه فورا فور استقباله وبيتم عمل اداره حاله كامله للطفل وخطه رعايه علشان نخرجه  من حاله الخطر الى الامان

 س : يعني هل هناك يعني محامون متخصصون في خط نجده الطفل للقيام بتمثيل الطفل   امام

لنيابه  و  كيفيه تفعيل اجراءات حمايه الطفل بالشرقيه

ج : هو اول ما اشتغلنا كنا بنضطر ان احنا نلجا لمحامين او او يعني اي حد يساعد في موضوع الاطفال لكن احنا طبعا حصل طفره كبيره بعد سعي كبير ان مكتب النائب العام  الذى اصدر كتاب دوري رقم 7 لسنه 2018 الزم النيابات العامه والجزئيه والفرعيه بانها تاخد بتوصيات لجنه الحمايه في كل قضايا الاطفال المعرضه للخطر فاصبح دلوقتي احنا

المتخصصين في اي قضيه اي محضر اي حاجه تخص الطفل من سن من من وقت الميلاد ل 18 سنه

ما يبت في قضيته او المحضر التحقيق الا بتوصيات اعضاء وحده حمايه الطفل وطبعا الاعضاء كلهم متدربين ومدربين على ايه كل طفل بيبقى له تدخل معين لان احنا طبعا البلاغات بنستقبلها انواعها عديده من ضمنها مثلا الاساءات الجسديه اي ايذاء لجسد الطفل من اول العض الضرب الشد  لحد الحرق والتعذيب وكل الكلام اللي احنا عارفينه ده

ده موكل يعني موكله ب حمايه الطفل والتدخل الفوري فى اي اساءه جنسيه من اول التحرش اللفظي لحد الاغتصاب والاعتداءات الكامله وكل  جهود  اعضاء وحدات حمايه الطفل ان هم يتدخلوا  للحماية من  التسول و الاساءات النفسيه

و الهجره الغير الشرعيه  وختان الاناث  و الزواج المبكر حتى المساعدات اللي ممكن  التقليل منها  يعني ان الطفل يقع في الخطر

برده احنا موكلين بيها فبقى دلوقتي احنا اصلا الاعضاء القانونيين لان في في كل وحده فرعيه احنا طبعا الوحده العامه

لحمايه الطفل في الشرقيه تحتها 19 وحده فرعيه في كل مركز ومدينه وحي يعني احنا حوالي جيش يعني حوالي 100 واحد في  الوحده العامه لحمايه الطفل  و طبقا للقانون المفروض ان عندي اخصائي قانوني في كل وحده عامه ووحده فرعيه فلازم احنا تقريرنا القانوني بالتوصيات مثلا اخذعقوبه معينه  للمعتدى على الطفل لا الطفل ده ما ينفعش يقعد في اسرته لازم يروح اسره ثانيه لا يودع في دار رعايه امن له لا يقعد مع الاسره واحنا هنتابع كل ده الموكل بالتوصيات بال الوحده العامه بتقولها في تقرير للنيابه والنيابه طبقا للكتاب الدورى ده لازم تاخد بالتقرير ده يعني

س : نقول معدل تلقي البلاغات الخاصه بالأطفال المعرضين للخطر في خط نجده الطفل بالشرقيه

وايضا يعني النماذج الناجحه التي اسفر  تدخلكم في حل هذه الحالات

ج :  والله احنا الحمد لله رب العالمين يعني الحمد لله يعني دايما نسبه الشرقيه بتتعدى يعني ال 95% كل البلاغات

اللي بتيجي باذن الله بتتحل او بيحصل فيها تدخل يرفع الطفل من خطر احنا الاعداد طبعا يعني الشرقيه كبيره ومراكزها كبيره والعدد فيها فالعدد بيبقى كبير شويه يعني احنا تقريبا مختلفين عن بعض المحافظات ان احنا عداد البلاغات ممكن توصل ل 1000 ممكن و توصل ل 800 ده غير البلاغات اللي ما بنسجلهاش كمان وبتتحول ودي للناس اللي بتجيلنا

 على الوحده العامه او في مقر الوحدات ومش عايزه تعمل بلاغ رسمي فالبلاغات بتبقى كبيره لكن الحمد لله رب العالمين

مافيش بلاغ  بنتكلف به الا لازم يحصل فيه تدخل لرفع الخطر عن الطفل لكن يعني بالاضافه للخط الساخن يعني مقر الوحدات في مجالس المدن المنتشره في المحافظه اه اه يعني احنا اصلا لما حد بيكلمنا بنقول له اتصل ب 16000 اصلا عشان بيتم فيه التوثيق دي اداره عامه على مستوى الجمهوريه وهي طبعا اللي بيطلع منها الاحصائيات وكده فلازم حتى اللي يجيلنا على الوحده او او دلوقتي النيابات هي اللي بتستدعينا للتحقيق ولحضور التحقيق وحضورالقضايا كل ده لازم يصب في الاخر في خط نجده الطفل عشان تطلع الاحصائيه من عنده

لكن انا ممكن واحد يقوللي انا ما بعرفش اتصل ب النجده 16000 اقول له تعال على الوحده طبعا عندنا مبدأاهم مبدأفي شغلنا السريه التامه لان طبعا كل مواضعنا حساسه وكل قضايا الاطفال دي حساسه ده بتبقى واحده عايزه تقول على ابوها ان هو مثلا بيضربها او بيعرضها للتعذيب ومش عايزه تذكر اسمها علشان ما تتعرضش  للاخطار اللي بعد كده بيتم البلاغ كله ونعمل نيابه وتحقيقات واقصى عقوبه وما يبقاش عارف ان بنته هي اللي مبلغها فبيبقى عندنا مبدا

السريه ايه اللي عايز يبلغ خط النجدة  .. اللي عايز يجي الوحدة العامه اللي مقرها في  ديوان عام المحافظه اللي عايز يجي الوحدات الفرعيه اللي مقرها رئاسه مركز ومدينه وحي في   كل منطقه من  مناطق الشرقيه احنا عندنا

الموضوع مفتوح بس احنا بس حد يدل لنا ان طفل في خطر واحنا بدخل على طول

س :  الاستاذه هبه حمد مدير الوحده العامه لحمايه الطفل بالشرقيه ومسؤول نجله الطفل

بالشرقيه يعني تعاونكم مع منظمات المجتمع المدني والجمعيات  الاهليه المهتمه بحمايه الطفل في الشرقيه

كيفيه التعاون يعني مع المجتمع المدني لحمايه الطفل بالشرقيه ا

ج : احنا اصلا طبقا لقانون الطفل المصري ان في لجنه عامه تنشا بكل  محافظه القانون ده من زمان من 96 برئاسه

معالي المحافظ وعضويه مديرين خدمات معينين وممكن نزود عليهم واساسي في  عضو اساسي في اللجنه العامه واللجان الفرعيه من المجتمع المدني اللي هو الجمعيات ورجال المجتمع المدني فاحنا لازم يكون عندنا في كل لجنه عامه او لجنه فرعيه جمعيه او مجتمع مدني بيساعدنا لان طبعا احنا ما نقدرش في حاجات كتيره ما نقدرش

عليها لوحدنا وبنحتاج تدخل المجتمع المدني والجمعيات وهم بصراحه بسم الله ما شاء

الله متعاونين جدا معانا في الشرقيه ففي عندنا في كل لجنه في كل مركز ومدينه حد من

المجتمع المدني يا اما جمعيه مشهوره يا اما رجل يعني رجل مدني معروف بيساعدنا

حنا يعني متعاونين معاهم تمام التعاون حتى طبقا للقانون هو احنا مكلفين ان احنالازم نتعاون

س : استاذه هبه حمد مدير الوحده العامه لحمايه الطفل بالشرقية  بنلاحظ ظاهره استغلال الاطفال

في اعمال التسول يعني نقول استغلال الاطفال في هذه الاعمال يعني الغير مشروعه

نقول تصديكم  لهذه الظاهره في الشرقيه

ج : والله احنا عملنا لجنه حمايه تسول وعملنا لجان كتير هي المشكله بس بتبقى اكبر لان في ناس

هم طبعا اكيد طالما طفل واقل من 18 سنه هو مستغل بس اوقات بتبقى من يعني ايه عصابات

او مهنه فانت بتحاول يعني ايه بيبقى التدخل الامني فيها اكثر من تدخلنا يعنياحنا بنحاول معاهم

 وبنحاول نتصدى لمشكله ننزل نتكلم مع الاهل دول ننزل نعمل فيهممحضر ان هم ياخدوه بس هم بقى يعني معظمهم

بيطلعوا بطريقه او باخرى بالتلاعب بتاعهم بس ان شاء الله باذن الله في خطه ان شاء

الله جايه ان احنا هنعرض اني على معالي الوزير المحافظ  عمل لجنه حمايه من التسول

واحنا عملنا لجنه وحطينا فيها ناس من التضامن الاجتماعي اللي هو مسؤول الضبطيه القضائيه

وعضو من مديريه الامن وطبعا مدير الوحده العامه وبعض الوحدات الفرعيه عشان نقدر

نتصدى المشكله دي ففي خطه بس لازم يكون فيها تعاون امني اكبر لان هم اوقات بيبقوا

عباره عن عصابات ممكن يتلموا عليك ممكن يعرضوا الناس اصلا اللي معايا للخطر فلازم

الخطه دي تبقى مسنوده من مديريه الامن

س :  نتكلم ايضا يعني دور التوعيه والتثقيف من خلال نشاط لجنه الوحده العامه

لحمايه الطفل و الارشاد الاسري لحل مشاكل الأطفال

ج :  هو ده مهم جدا لان احنا الشغل بتاعنا ما بيبقاش الشق بس اللي هو  التلقي والتدخل احنا عندنا شق مهم جدا يكاد يكون اهم من الشق الاولاني اللي هو الشق الوقائي والتوعوي لان انا كده يعني احنا كوحدات بنستقبل البلاغات دي  وعارفين  الواقع اللي في المجتمع ولمسنا اكبر مشكله مثلا في مركز فاقوس اكبر مشكله في كفر صقر في مشكله عامه في الشرقيه كلها في اساءات جنسيه

بطريقه معينه في الحته دي لا هنا اللي اللي اكتر عندهم التسول ف فاحنا ب لازم

نحط خطه توعويه وشق وقائي حتى وزاره التنميه المحليه دايما بتبعت لنا كتب

دوريه لتفعيل موضوع الشق الوقائي ده فاحنا كل وحده مطالب منها كل وحده فرعيه ولجنه

فرعيه مطالب منها انها تفعل الشق الوقائي بطريقتها يعني بينزلوا طبعا بالتعاون مع

منظمات المجتمع المدني وبالتعاون مع المديريات الخدميه التضامن الاجتماعي

والصحه والتربيه والتعليم بننزل ندوات توعويه من واقع البلاغات يعني ايه حضرتك مثلا انا عندي قصه في بلاغ قصه صعبه جدا

اب اعتد على بنته و بنت تعرضت لابتزاز

الكتروني عن طريق النت من واقع البلاغات

نفسها بنرفع موضوعات نوعي بيها فموضوع

الارشاد الاسري والارشاد النفسي بقى

شغالين فيه عندنا مثلا مكتبه مصر في حاجه

اسمها واحه امان برئاسه الباشمهندسه لبنى غبد العزيز  نائب معالي المحافظ دي بنعمل فيها

نشاط  يوم الاربعا لوحده حمايه الطفل

بتعمل فيها شق توعوي ثابت كل يوم اربع من

كل الاسبوع الوحدات الفرعيه لازم تعمل لي

تارجت معين كده كل شهر خمس ندوات 10 ندوات

من وقع البلاغات اللي بترفعها احنا كوحده

عامه بننزل بارشاد عام في ا كل

مناسبه مثلا كل مبادره زي مثلا مبادره

بدايه شغالين فيها شغل كويس جدا ان احنا

بننزل ندوات توعي توعيه ارشاد اسري لبناء

انسان جديد فكل يعني الارشاد الاسري لو

الشق التوعوي والوقائي مهم جدا عندنا و

بنسال عليه يعني يعني انا بسالهم انت عملت

ايه الشهر ده ايه الكميه اللي انت عملتها

والتارجت بتاعك في الشق الوقائي لانه مهم

جدا انا اللي لمست الواقع وانا اللي لمست

مشاكل المجتمع يبقى انا عارفه انا هكلمهم

في ايه واوصل للبيت ازاي واوصل للاب خد

بالك من الموبايل خد بالك ان بيحصل ابتزاز

واوصل للطفل خدوا بالك انتم بتستغل وانه

ممكن يحصل لك كذا وكذا فانا لازم يطلع مني

انا من واقع البلاغات حتى بيبقى اقرب لما

احكي لهم حكايه واوضح لهم اللي حصل عندنا

والنتيجه بتاعته بتبقى ايه ولو كنت عايز

تحمي نفسك من الاول كنتت تقدر تبلغنا

واحنا نتدخل فده مهم جدا جدا وشغال عندنا

يعني شغل كويس